SKMF Qaradağda sahibkarlardan investisiya layihələrinin qəbuluna başlayıb

Bakı. 20 iyul. REPORT.AZ/ İqtisadiyyat Nazirliyinin Sahibkarlığa Kömək Milli Fondu (SKMF) Qaradağ rayonunda sahibkarlardan prioritet hesab olunan sahələr üzrə investisiya layihələrinin qəbuluna başlayıb.

Bu barədə “Report”a nazirlikdən məlumat verilib. 

Fond sahibkarlardan ət kəsimi, üzlüklər, dam örtükləri, plastik qablar, corab və şirniyyat məhsullarının istehsalı müəssisələrinin yaradılması istiqamətlərində investisiya layihələrinin maliyyələşdirilməsi üçün təkliflərin qəbulunu məqsədəuyğun hesab edib.

Bu gündən etibarən sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə SKMF-ya (Ünvan: Bakı şəhəri, Yasamal rayonu, A.M.Şərifzadə küçəsi, 172, Telefon: (012) 434-74-29, Faks: (012) 432-37-17, e-mail: [email protected]) müraciət edə bilərlər.

Qeyd edək ki, fond iyulun 15-də rayonun Lökbatan qəsəbəsində işgüzar forum keçirib.