Yuxarı
    Bağlamaq

    Şəki və Qazaxda sahibkarlar üçün treninqlər keçirilib

    Onlara biznes ideyanın formalaşdırılması barədə məlumat verilib

    Bakı. 23 fevral. REPORT.AZ/ Bu gün İqtisadiyyat Nazirliyinin Bakı Biznes Tədris Mərkəzinin Şəki nümayəndəliyinin təşkilatçılığı ilə Şəkidə gənclər üçün, Qazax nümayəndəliyinin təşkilatçılığı ilə Qazaxda sahibkarlar üçün treninqlər keçirilib. 

    Nazirlikdən "Report"a daxil olan məlumata görə, “Biznes planların hazırlanması”, “Ekoloji təmiz kənd təsərrüfatının inkişafı”, “Kənd təsərrüfatında logistika” mövzularını əhatə edən treninqlərdə biznes ideyanın formalaşdırılması, biznes planın tərtib edilməsi, ekoloji təmiz kənd təsərrüfatı və bu sahədə beynəlxalq təcrübə, logistikanın növləri, logistik mərkəzlərin yaradılması və s. barədə ətraflı məlumat verilib.

    Bununla yanaşı, tədbirlərdə İqtisadiyyat Nazirliyi tərəfindən göstərilən elektron xidmətlər barədə məlumat iştirakçıların diqqətinə çatdırılıb.

    Treninqlər çərçivəsində mövzular üzrə təqdimatlar keçirilib, iştirakçılara Bakı Biznes Tədris Mərkəzi tərəfindən hazırlanmış metodiki vəsaitlər paylanıb, onları maraqlandıran suallar cavablandırılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi