Sahibkarların müraciətlərinin asanlaşdırılması məqsədilə videotəlimatlar hazırlanıb

10 Aprel , 2020 15:00

Tədbirlər Planında icrası İqtisadiyyat Nazirliyinə həvalə edilmiş tədbirlərdən ikisinin - pandemiyadan zərər çəkən sahələrdə fəaliyyət göstərən vergi ödəyicilərinin muzdlu işçilərinin əməkhaqqının müəyyən hissəsinin ödənilməsi və fərdi (mikro) sahibkarlara maliyyə dəstəyinin göstərilməsi istiqamətləri üzrə işlərin həyata keçirilməsinə başlanılıb.

Bu barədə “Report”a İqtisadiyyat Nazirliyindən məlumat verilib.

Maliyyə dəstəyi vergi ödəyicilərinin İnternet Vergi İdarəsindəki (www.e-taxes.gov.az) elektron kabinetləri vasitəsilə təqdim etdikləri müraciətlər əsasında həyata keçirilir. İqtisadiyyat Nazirliyi sahibkarlıq subyektlərinin müraciət etmələrinin asanlaşdırılması məqsədilə müvafiq videotəlimatlar hazırlayıb. Bu təlimatlar müraciətlərin tərtib olunma qaydalarını izah edir.

Qeyd edək ki, Azərbaycan Respublikası Prezidentinin 2020-ci il 19 mart tarixli sərəncamının 10.2-ci bəndinin icrasını təmin etmək məqsədilə Nazirlər Kabineti tərəfindən 4 aprel 2020-ci il tarixdə Tədbirlər Planı təsdiq olunub.

Məlumatda bildirilir ki, həyata keçirilən maliyyə dəstəyi proqramlarının 600 minədək muzdlu işçi və fərdi sahibkarı əhatə etdiyini və sözügedən videotəlimatların geniş ictimai maraq doğurduğunu nəzərə alaraq, onları diqqətinizə təqdim edirik:

1. Pandemiyadan zərər çəkən sahələrdə fəaliyyət göstərən vergi ödəyicilərinin muzdlu işçilərinin əməkhaqqının müəyyən hissəsinin ödənilməsi üçün müraciətin tərtib olunması qaydasını izah edən videotəlimat;