Rusiyada "Google" şirkəti cərimələnib

Bakı. 11 dekabr. REPORT.AZ/ Rusiyada "Google" şirkəti 500 min rubl (7500 ABŞ dolları) məbləğində cərimələnib.

"Report" "RİA Novosti"yə istinadən xəbər verir ki, bu barədə Roskomnadzorun rəhbəri Aleksandr Jarov bildirib.

Qurum "Google" şirkətini axtarış yerində qanunsuz informasiyaya istinad edilən məlumatların silinməsinə dair qanunu icra etməkdən imtina etdiyinə görə cərimələyib.