Yuxarı

Nazir: “Rusiya Azərbaycanın qeyri-neft məhsullarının idxalında birinci yeri tutur”

​Rusiya Azərbaycanın qeyri-neft məhsullarının idxalında I yerdədir

"Bu gün Azərbaycan və Rusiya arasında münasibətlər strateji tərəfdaş səviyyəsindədir. İki ölkənin rəhbərləri iqtisadi və siyasi məsələrə böyük və xüsusi önəm verirlər".

“Report”un məlumatına görə, bunu bu gün Azərbaycan və Rusiyanın Sverdlovsk vilayətinin qubernatoru Yevgeniy Kuyvaşevin Bakıya səfəri zamanı təşkil edilən işgüzar görüşdə Azərbaycanın İqtisadiyyat naziri Şahin Mustafayev bildirib.

Onun sözlərinə görə, iki ölkə arasında ticarət dövriyyəsi dinamik olaraq inkişaf edir: “Rusiya Azərbaycanın əsas iqtisadi-ticari tərəfdaşıdır. Azərbaycan regionda Rusiyanın əsas ticari tərəfdaşı hesab edilir. Rusiyanın regiondakı ticarətinin 50 faizi Azərbaycanın payına düşür. Eyni zamanda, Rusiya Azərbaycanın qeyri-neft məhsullarının idxalında birinci yeri tutur”.

Nazir bildirib ki, 2018-ci ildə iki ölkə arasında ticarət dövriyyəsi 19% artıb və 2,5 mlrd ABŞ dollarını keçib: “Bu ilin 7 ayında isə Azərbaycan və Rusiya arasında ticarət dövriyyəsi 23% artıb. Bu da olduqca böyük rəqəmlərdir. Azərbaycan və Rusiyanın Sverdlovsk vilayəti ilə ticarət dövriyyəsinin həcmi isə 2018-ci ildə 83% artıb və 95 milyon dollar təşkil edib”.

Ş.Mustafayev qeyd edib ki, bu ilin sonuna ticarət dövriyyəsinin həcmini 100 million dollara çatdırılması planlaşdırılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi