Bu nazirlik 2 milyon manatlıq "Khazar LX" avtomobili alır - ƏLAVƏ OLUNUB

İlk xəbər saat 12:24-də verilib

Əmək və Əhalinin Sosial Müdafiəsi Nazirliyi (ƏƏSMN) Neftçala Sənaye Məhəlləsində fəaliyyət göstərən “Azərmaş” MMC-dən 164 ədəd “Khazar LX” markalı minik avtomobili alacaq.

“Report” xəbər verir ki, nazirlik buna görə 1 999 980 manat ödəniş edəcək.

Başqa sözlə, hər avtomobil quruma 12 195 manata başa gələcək. 

***

ƏƏSMN-nin mətbuat xidmətinin rəhbəri Fazil Talıblı "Report"a bildirib ki, avtomobillər ölkə prezidentinin ayırdığı vəsait hesabına alınır. Onlar Qarabağ müharibəsi əlillərinə və onlara bərabər tutulan şəxslərə təqdim ediləcək.