Yuxarı
    Bağlamaq

    Meksika Azərbaycanla iqtisadi əməkdaşlığı gücləndirmək niyyətindədir

    ProMexiconun İstanbul nümayəndəliyinin rəhbəri Bakıya səfər edəcək

    Bakı. 4 noyabr. REPORT.AZ/ "ProMexico"nun İstanbul nümayəndəliyinin rəhbəri Xorxe Alberto Krus Abaskal Bakıya səfər edəcək. Meksikanın Azərbaycandakı səfirliyindən "Report"a verilən xəbərə görə, səfər Azərbaycanda İxracın və İnvestisiyaların İnkişafı Fondunun (AzPromo) dəvəti ilə 4-6 noyabr tarixlərində baş tutacaq.

    Səfərin məqsədi iki ölkə arasında iqtisadi münasibətlərin inkişaf etdirilməsidir.

    Səfər çərçivəsində Meksika və Azərbaycan arasında ticarət və turizm sahələrində olan əlaqələrin genişlənməsi imkanlarının müzakirə olunması məqsədilə bir sıra görüşlər keçiriləcək.

    Qeyd edək ki, 2014-cü ildə Meksika ilə Azərbaycan arasında ümumi ticarət həcmi təxminən 2 milyon ABŞ dolları təşkil edib və onun artması üçün böyük potensial mövcuddur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi