Yuxarı

​Masallıda sahibkarlar üçün treninq keçirilib

Treninq çərçivəsində mövzular üzrə təqdimatlar olub

Bakı. 24 iyun. REPORT.AZ/ İqtisadiyyat Nazirliyinin Bakı Biznes Tədris Mərkəzinin və İstehlak Mallarının Ekspertizası Mərkəzinin birgə təşkilatçılığı ilə Masallıda sənaye və istehsal sahələrində fəaliyyət göstərən sahibkarlar və sahibkarlıq fəaliyyətinə yeni başlayanlar üçün treninq keçirilib.

“Report” İqtisadiyyat Nazirliyinə istinadən xəbər verir ki, “Sənaye və istehsal sahələrinin idarə edilməsi”, “Sənayedə brendləşmə” və “Potensial ixracatçılara ixrac zamanı güzəştlərin tətbiqi”mövzularını əhatə edən treninqdə innovativ texnologiyalar, brend məhsullar, brendin mahiyyəti və məzmunu, sənayedə brendləşmənin xüsusiyyətləri, brend məhsulların məqsədli bazarlara istiqamətlənməsi, ixrac sahəsində mövcud qanunvericilik, ixracatçılara tətbiq edilən güzəştlər və s. barədə ətraflı məlumatlar iştirakçıların diqqətinə çatdırılıb.

Eyni zamanda tədbirdə nazirlik tərəfindən göstərilən elektron xidmətlər haqqında ətraflı məlumat verilib.

Treninq çərçivəsində mövzular üzrə təqdimatlar keçirilib, iştirakçılara Bakı Biznes Tədris Mərkəzi tərəfindən hazırlanan metodiki vəsaitlər paylanılıb, onları maraqlandıran suallar cavablandırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi