Yuxarı
    Bağlamaq

    İranlı sahibkarlar Naxçıvanın istehsal etdiyi məhsullarla tanış olublar

    Baş konsul: Təbriz sahibkarlarının Naxçıvana səfəri nəticəsində ikitərəfli ticari və iqtisadi əlaqələrin daha da genişlənəcəyi gözlənilir

    Bakı. 25 fevral. REPORT.AZ/ İranın Şərqi Azərbaycan vilayətindən olan iqtisadi və istehsal sahələrində fəailiyyət göstərən 25 sahibkardan ibarət nümayəndə Naxçıvana səfər edib.

    İranın Naxçıvandakı baş konsulluğundan "Report"a verilən məlumata görə, nümayəndə heyəti Naxçıvan Biznes Mərkəzində sərgilənən Naxçıvan məhsulları ilə yaxından tanış olublar.

    Daha sonra iranlı sahibkarlar baş konsulluğu ziyarət ediblər. Görüşdə baş konsul Mansour Airom Naxçıvan Muxtar Respublikası Ali Məclisi sədri Vasif Talıbovun Təbrizə səfərini və vilayətin valisi ilə görüşünü xatırladıb və bildirib ki, bu görüş zamanı ikitərəfli əməkdaşlığa dair razılığa gəlinib və onlardan bəziləri artıq icra olunur.

    Baş konsul bildirib ki, Təbriz sahibkarlarının Naxçıvana səfəri nəticəsində ikitərəfli ticari və iqtisadi əlaqələrin daha da genişlənəcəyi gözlənilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi