Yuxarı
    Bağlamaq

    İqtisadiyyat Nazirliyi Lənkəranda gənclər üçün treninq keçirib

    Treninq Biznes ideyanı yarat, Öz biznesinə başla və Biznes planların hazırlanması mövzularını əhatə edib

    Bakı. 27 oktyabr. REPORT.AZ/ Bu gün Lənkəranda İqtisadiyyat Nazirliyinin Bakı Biznes Tədris Mərkəzinin yerli nümayəndəliyinin təşkilatçılığı ilə gənclər üçün treninq keçirilib.

    İqtisadiyyat Nazirliyindən "Report"a bildirilib ki, "Biznes ideyanı yarat", "Öz biznesinə başla" və "Biznes planların hazırlanması" mövzularında keçirilən treninqdə gənclərə biznes-ideyanın yaradılması və həyata keçirilməsi yolları, biznes plan və onun tərtib edilməsi, marketinq araşdırmalarının aparılması, bu sahədə beynəlxalq təcrübə, prioritet biznes istiqamətləri, yeni biznes subyektlərinin yaradılması qaydaları və s. barədə ətraflı məlumat verilib.

    Bundan başqa, tədbirdə iştirakçılar Nazirlik tərəfindən göstərilən elektron xidmətlər barədə geniş məlumatlandırılıb.

    Treninq çərçivəsində mövzular üzrə təqdimatlar keçirilib, iştirakçılara Tədris Mərkəzinin hazırladığı metodiki vəsaitlər paylanılıb, onları maraqlandıran suallar cavablandırılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi