Yuxarı
    Bağlamaq

    Həştərxanda Azərbaycan Biznes Mərkəzinin açılışı olub - ƏLAVƏ OLUNUB

    Dinlə
    © Report

    Həştərxan. 31 may. REPORT.AZ/ Həştərxanda Azərbaycan Biznes Mərkəzinin açılışı olub.

    "Report"un Rusiya bürosunun verdiyi xəbərə görə, mərkəzin açılışıında Həştərxan vilayətinin qubernatoru Aleksandr Jilkin və Azərbaycanın iqtisadiyyat naziri Şahin Mustafayev çıxış ediblər. 

    Biznes Mərkəzinin açılışını Heydər Əliyen Fondunun vitse-prezidenti Leyla Əliyeva edib.

    Daha sonra qonaqlar Biznes Mərkəzinin sərgi salonu ilə tanış olublar. 

    ***

    Mərkəzinin açılışında çıxışı zamanı Ş.Mustafayev Rusiyanın Azərbaycanın əsas ticarət tərəfdaşlarından biri olduğunu, buna görə də Azərbaycanın ilk ticarət nümayəndəliyini məhz Rusiyada açmasının təsadüfi olmadığını bildirib. Nazir iki ölkə arasındakı ticarət dövriyyəsində müsbət dinamika müşahidə edildiyini qeyd edib. Belə ki, onun sözlərinə görə, ötən il ölkələr arasında ticarət dövriyyəsi 22% artaraq 2 milyard ABŞ dollarına çatıb. Bu ilin ilk 4 ayı üzrə isə artım 30% təşkil edib. Ş.Mustafayev Rusiyanın Azərbaycandakı ümumi investisiyalarının artıq 4 milyard ABŞ dollarına çatdığını, Azərbaycanın Rusiyadakı ümumi investisiyalarının isə 1 milyard ABŞ dollarını ötdüyünü qeyd edib.

    Öz növbəsində, Həştərxan vilayətinin qubernatoru Aleksandr Jilkin Bakıda da Həştərxan biznes mərkəzinin tikintisinin getdiyini xatırladıb. O bildirib ki, bu iki obyektin işləməsi Rusiya və Azərbaycan arasındakı ticari-iqtisadi əlaqələri xeyli genişləndirilməyə imkan verəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi