Yuxarı
    Bağlamaq

    Azərbaycanda pərakəndə ticarət dövriyyəsi artıb

    Ötən il əhalinin adambaşına orta aylıq pərakəndə ticarət dövriyyəsi 16% artıb

    Bakı. 16 yanvar. REPORT.AZ/ Azərbaycanın pərakəndə ticarət şəbəkəsində 2016-cı ildə satılmış məhsulların ümumi dəyəri əvvəlki ilin səviyyəsini müqayisəli qiymətlərlə 1,5% üstələyərək 30,2 mlrd. manata bərabər olub.

    "Report"un Dövlət Statistika Komitəsinə istinadən verdiyi xəbərə görə, istehlakçılara 15,1 mlrd. manatlıq və ya 2015-ci ilə nisbətən real ifadədə 2,1% çox ərzaq məhsulları, içkilər və tütün məmulatları, 0,8% çox qeyri-ərzaq məhsulları satılıb.

    Hesabat ilində istehlakçıların pərakəndə ticarət şəbəkəsində xərclədiyi vəsaitin 49,9%-i ərzaq məhsulları, içkilər və tütün məmulatlarının, 17,4%-i toxuculuq məhsulları, geyim və ayaqqabıların, 6,3%-i elektrik malları və mebelin, 5,6 %-i avtomobil yanacağının, 1,4%-i əczaçılıq və tibbi malların, 0,8%-i kompüterlər, telekommunikasiya avadanlıqları və çap məhsullarının, 18,6%-i isə digər qeyri-ərzaq məhsullarının alınmasına sərf olunub.

    Belə ki, toxuculuq məhsulları, geyim və ayaqqabı satışı 0,9% artaraq 5 244,8 mln. manat, elektrik malları və mebel 1,5% artaraq 1 912,9 mln. manat, kompüter, telekommunikasiya avadanlıqları və çap məsulları 1,4% artaraq 234,8 mln. manat, əczaçılıq və tibbi mallar 1,9% artaraq 419,8 mln. manat, avtomobil yanacağı 1,6% azalaraq 1 681,5 mln. manat təşkil edib.

    Ötən il istehlak məhsullarının 10,9%-ii hüquqi şəxs statuslu müəssisələr, 55,7%-i fərdi sahibkarlar tərəfindən, 33,4%-i isə bazar və yarmarkalarda satılıb.

    Hesabat ilində əhalinin bir nəfərinə düşən orta aylıq pərakəndə ticarət dövriyyəsi 261,0 manat və ya 2015-ci ilin müvafiq göstəricisindən nominal ifadədə 36,1 manat və ya 16,1% çox olub. Ticarət şəbəkəsində bir ölkə sakini orta hesabla hər ay 130,3 manatlıq ərzaq məhsulları, içkilər və tütün məmulatları, 130,7 manatlıq qeyri-ərzaq məhsulları alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi