Gürcüstan və Azərbaycan arasında ticarət dövriyyəsi 827 milyon dolları ötüb

Bu ilin yanvar-oktyabr aylarında Gürcüstanın Azərbaycanla ticarət dövriyyəsinin həcmi 827 milyon 816,8 min dollar təşkil edib.

“Report”un yerli bürosu xəbər verir ki, bu barədə Gürcüstanın Milli Statistika İdarəsinin hesabatında bildirilib.

Bu ilin 10 ayı ərzində Azərbaycanın qonşu ölkənin ümumi ticarət dövriyyəsindəki payı 8%-ə barabər olub.

Hesabat dövründə Azərbaycan Gürcüstanın Türkiyə, Rusiya və Çindən sonra dördüncü ən böyük ticarət tərəfdaşı olub.