Yuxarı
    Bağlamaq

    ​Gürcüstan Azərbaycandan məhsul idxalını artırıb

    Azərbaycandan əsasən qaz, neftt məhsulları, elektrik enerjisi idxal olunub

    Bakı. 3 yanvar. REPORT.AZ/ 2014-cü ilin yanvar-noyabr aylarında Gürcüstan Azərbaycandan 565,89 milyon dollar məbləğində məhsul idxal edib.

    "Report" xəbər verir ki, bu barədə Gürcüstanın Milli Statistika Komitəsinin xarici ticarətə dair hesabatında bildirilir.

    Hesabata görə, il ərzində Azərbaycandan Gürcüstana idxal həcmi 1,8 % artıb.

    Müqayisə üçün qeyd edək ki, 2013-cü ilin analoji dövründə Gürcüstan Azərbaycandan 555,81 mln. dollar məbləğində mal idxal edib.

    Azərbaycan Gürcüstanın mal idxal etdiyi ölkələr sırasında üçüncü yerdə qərarlaşıb. Gürcüstana gətirilən ümumi mal həcmində Azərbaycan ixracının xüsusi həcmi 7,3% təşkil edir.

    Gürcüstan göstərilən dövr ərzində Azərbaycandan əsasən qaz, neft məhsulları, elektrik enerjisi və digər məhsullar idxal edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi