Yuxarı
    Bağlamaq

    Gəncədə yerləşən təsərrüfat hesablı poliklinika 213 min manata özəlləşdirilib

    Bu gün Əmlak Məsələləri Dövlət Komitəsi dövlət əmlakının özəlləşdirilməsi ilə bağlı növbəti hərrac keçirib

    Bakı. 10 may. REPORT.AZ/ Bu gün Əmlak Məsələləri Dövlət Komitəsi (ƏMDK) dövlət əmlakının özəlləşdirilməsi ilə bağlı növbəti hərrac keçirib.

    “Report” Komitəyə istinadən xəbər verir ki, hərracda paytaxtda və regionlarda yerləşən bir neçə kiçik dövlət müəssisələri və nəqliyyat vasitələri özəlləşdirilib.

    Ən yüksək qiymətə özəlləşdirilən əmlak Gəncə şəhərində 4 saylı təsərrüfat hesablı poliklinika olub. Bu əmlak 212,5 min manata özəlləşdirilib. Onun ümumi faydalı sahəsi 577.8 kv.m-dir. Özəlləşdirilən digər qeyri-yaşayış sahələri isə paytaxtın Sabunçu rayonunda, habelə Gəncə və Şəmkir şəhərində yerləşir.

    Hərracda həmçinin müxtəlif dövlət qurumlarının balansında olan, lakin xidməti istifadədən çıxarılmış 3 nəqliyyat vasitəsi özəlləşdirilib.

    Növbəti hərrac mayın 16-da keçiriləcək. Bu hərraca 22-si səhmdar cəmiyyəti, 116-sı kiçik dövlət müəssisə və obyekti, 74-ü istifadəsiz qeyri-yaşayış sahəsi olmaqla ümumilikdə 212 əmlak çıxarılacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi