Yuxarı

Gəncədə məcburi köçkünlər üçün biznes-treninq keçirilib

Treninq Bakı Biznes Tədris Mərkəzinin Gəncə nümayəndəliyinin təşkilatçılığı ilə təşkil edilib

Bakı. 15 aprel. REPORT.AZ/ İqtisadiyyat Nazirliyi Bakı Biznes Tədris Mərkəzinin Gəncə nümayəndəliyinin təşkilatçılığı ilə məcburi köçkünlərin məskunlaşdığı Gəncə şəhərinin Yeni qəsəbəsində burada məskunlaşan məcburi köçkünlər üçün treninq keçirilib.

İqtisadiyyat Nazirliyinin mətbuat xidmətindən “Report”a bildirilib ki, “Biznesin əsasları, təşkili və idarə edilməsi”, “Biznes planların və investisiya layihələrinin hazırlanması” mövzularını əhatə edən treninqdə biznes mühiti, biznesin planlaşdırılması, idarə edilməsi, insan resurslarından səmərəli istifadə, biznes ideyanın yaradılması, biznes planın tərtib edilməsi və s. barədə ətraflı məlumat verilib.

Bununla yanaşı, tədbirdə Nazirliyin göstərdiyi elektron xidmətlər barədə məlumat iştirakçıların diqqətinə çatdırılıb.

Treninq çərçivəsində mövzular üzrə təqdimatlar keçirilib, iştirakçılara Bakı Biznes Tədris Mərkəzi tərəfindən hazırlanan metodiki vəsaitlər paylanıb, onları maraqlandıran suallar cavablandırılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi