Bakı. 15 dekabr. REPORT.AZ/ ABŞ-ın Federal Ehtiyat Sisteminin baza faiz dərəcəsini artırmasından sonra qızılın qiyməti bir unsiyaya görə 1,2% azalaraq 1 146,7 dollara düşüb.
"Report" xəbər verir ki, bunu hərracların nəticələri deməyə əsas verir.
Bakı vaxtı ilə 00:05-ə olan vəziyyətə görə, qızılın bir unsiyası Sinqapur birjasında 1 146,7 dollara satılıb. Hərraclar açılan zaman birjada qızılın unsiyası 1 159,8 dollar olub.
ABŞ-ın Federal Ehtiyat Sisteminin (FES) Direktorlar Şurası 2016-cı ildə ilk dəfə olaraq baza faiz dərəcəsini 0,25-0,5%-dən 0,5-0,75%-dək artırmaq barədə qərar qəbul edib.