Yuxarı
    Bağlamaq

    Ərəb azad ticarət zonası Bakıda ofis açacaq

    Ayman Azad Ticarət Zonası bu il, həmçinin Çin, İsveçrə, Kanada və Honq-Konqda analoji ofislər açacaq

    Bakı. 7 avqust. REPORT.AZ/ Birləşmiş Ərəb Əmirliklərinin Ayman Azad Ticarət Zonası (AATZ) bu il Azərbaycanda qlobal ofisini açacaq. "Report"un ərəb mətbuatına istinadən verdiyi məlumata görə, bu, AATZ-nın 2017-ci il üçün qlobal investorluq strategiyasında qeyd edilib.

    AATZ bu il əsas ofislərini açacaq digər 4 mühüm bazarın da adını müəyyən edib.

    Belə ki, AATZ-nin yeni qlobal osifləri bu il Azərbaycanla yanaşı, Çin, İsveçrə, Kanada və Honq-Konqda açılacaq. AATZ bu ilin may ayında Kiprdə, ötən ilin noyabr ayında isə Moskvada yeni ofisini açıb.

    Qeyd edək ki, hazırda AATZ dünyanın müxtəlif hissələrində 22 000-dən artıq müəssisəyə malikdir.

    Xatırladaq ki, Ayman Azad Ticarət Zonası BƏƏ-nin Ayman əmirliyində yerləşir. Əsası 1988-ci ildə qoyulan azad ticarət zonası sənayenin böyük inkişafına səbəb olub. Fars körfəzinin girişində yerləşən zona şərq və qərb bazarlarına xidmət edir. Hər il Ayman limanı 1 000-dən artıq gəmiyə xidmət göstərir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi