“Emirates” aviaşirkəti xeyli işçisini ixtisara saldı

Dubayın “Emirates” aviaşirkəti koronavirus pandemiyasının yaratdığı iqtisadi çətinliklərə görə əməkdaşlarını işdən çıxarıb.

“Report” “TASS”a istinadən xəbər verir ki, bu barədə Dubay hökumətinin saytında dərc olunan bəyanatda deyilir.

“Mövcud pandemiya iqtisadiyyatın bir çox sahəsinə təsir edib və fəaliyyətimizi dəstəkləmək üçün bütün mümkün ssenariləri nəzərdən keçirdik. Amma təəssüf ki, bizimlə birlikdə işləyən bəzi insanlarla vidalaşmalı olduq” - şirkət bildirib.

Lakin vəzifəsindən azad edilən işçilərin sayı barədə məlumat verilməyib.