Yuxarı

​Dünyanın 150-dən çox biznes lideri və investoru Azərbaycana gəlir

Azərbaycan hökumətinin nümayəndələri Bakıda keçiriləcək investisiya forumuna qatılacaq

Bakı. 16 fevral. REPORT.AZ/ Azərbaycan hökumətinin nümayəndələri martın 17-də Azərbaycan İnvestisiya Forumu çərçivəsində “The Economist Events” təşkilatının təşkilatçılığı ilə keçiriləcək iqtisadiyyatın keçid dövrü ilə bağlı yaranmış daxili və xarici perspektiv və imkanların müzakirəsində iştirak edəcəklər. Tədbirə dünyanın 150-dən çox biznes lideri və investoru qatılacaq. 

"Report"un verdiyi xəbərə görə, Azərbaycanın rabitə və yüksək texnologiyalar naziri Əli Abbasov, təhsil naziri Mikayıl Cabbarov, gənclər və idman naziri Azad Rəhimov, iqtisadiyyat və sənaye nazirinin müavini Sevinc Həsənova, rabitə və yüksək texnologiyalar nazirinin müavini Elmir Vəlizadə ölkə iqtisadiyyatının çoxşaxəli şəkildə və neft gəlirlərindən asılı olmadan inkişafı ilə bağlı keçiriləcək müzakirədə iştirakını təsdiq etmiş hökumət nümayəndələri sırasındadırlar.

“The Economist” jurnalının redaktoru Con Endryusun (John Andrews) sədrliyi ilə keçiriləcək müzakirə forumu aparıcı dövlət xadimlərinin neft iqtisadiyyatının diversifikasiya imkanları və Azərbaycanın regionda idman, təhsil, texnologiya və mədəniyyət mərkəzinə çevrilmə vasitələri mövzularında açılış çıxışları ilə başlayacaq.

Forumda həmçinin idman, bank, texnologiya, investisiya, istehsalat və təhsil sahələrinin görkəmli nümayəndələri iştirak edəcəklər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi