Yuxarı

​Dövlət Gömrük Komitəsinin sədri Yardımlıda vətəndaşları qəbul edib

Görüşdə Yardımlı, Lənkəran, Astara, Masallı və Lerik rayonlarının sakinləri iştirak ediblər

Bakı. 28 avqust. REPORT.AZ/ Dövlət Gömrük Komitəsinin sədri Aydın Əliyev avqustun 28-də Yardımlı şəhərində Yardımlı, Lənkəran, Astara, Masallı və Lerik rayonlarının sakinlərini qəbul edib. Bu barədə "Report"a DGK-nın mətbuat xidmətindən məlumat verilib.

Heydər Əliyev Mərkəzində DGK-nın müvafiq struktur rəhbərlərinin də qatıldıqları qəbulda müraciətlər əsasən işə qəbul, malların idxal və ixracı, bununla əlaqədar sənədləşmə qaydaları və gömrük-keçid məntəqələrində vəziyyət barədə olub. Məlumata görə, əksər müraciətlər yerindəcə həll edilib. Araşdırılması zəruri olan bir sıra müraciətlərin isə qanunvericiliyə uyğun həlli barədə müvafiq struktur rəhbərlərinə tapşırıqlar verilib.

DGK-nın səlahiyyətlərinə aid olmayan məsələlərlə bağlı müraciətlər barədə isə vətəndaşlara hərtərəfli izahatlar verilib, belə müraciətlər müvafiq orqanlara çatdırılmaq üçün qeydiyyata alınaraq nəzarətə götürülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi