DGK sədri: " Türkiyə məhsullarının Azərbaycan vasitəsi ilə Rusiyaya satışı qeyri-səmərəlidir"

Bakı. 6 aprel. REPORT.AZ/ Bu gün iqtisadi baxımdan Türkiyə məhsullarının Azərbaycan vasitəsi ilə Rusiyaya satışı qeyri-səmərəlidir. "Report" xəbər verir ki, bunu jurnalistlərə açıqlamasında Dövlət Gömrük Komitəsinin (DGK) sədri Aydın Əliyev deyib.

A.Əliyevin sözlərinə görə, DGK Azərbaycandan ixrac edilən məhsullara görə, cavabdehlik daşıyır: "Danışıqlar əsasında Rusiyadan gələn qonaqlar bir daha başa düşdü ki, biz Azərbaycan ərazisindən qeyri-Azərbaycan məhsullarının Azərbaycan məhsulu adı altında Rusiyaya ixrac edilməsinə imkan verməyəcəyik".