Yuxarı
    Bağlamaq

    “Daşkəsən Filizsaflaşdırma” ASC yenidən investisiya müsabiqəsinə çıxarılıb

    Dinlə
    Əmlak Məsələləri Dövlət Komitəsi müəssisənin səhmlərinin 99,22%-nin satışı üzrə müsabiqə elan edib

    Bakı. 1 iyun. REPORT.AZ/ Əmlak Məsələləri Dövlət Komitəsi (ƏMDK) yenidən “Daşkəsən Filizsaflaşdırma” ASC-nin səhmlərinin 99,22%-nin satışı üzrə investisiya müsabiqəsi elan edib.

    “Report” ƏMDK-ya istinadən xəbər verir ki, müəssisə “Metallurgiya kompleksində sağlamlaşdırma və restrukturizasiya tədbirlərinin həyata keçirilməsi haqqında” ölkə prezidentinin 13 iyul 2016-cı il tarixli sərəncamının icrasını təmin etmək məqsədi ilə “Dövlət əmlakının özəlləşdirilməsinin II Dövlət Proqramı”na və ölkə prezidentinin 17 iyul 2001-ci il tarixli fərmanı ilə təsdiq edilmiş “İnvestisiya müsabiqəsinin keçirilməsi Qaydaları”na uyğun olaraq müsabiqəyə çıxarılıb.

    Müsabiqədə yerli hüquqi və fiziki şəxsləri ilə yanaşı, xarici investorlar da iştirak edə bilərlər. İddiaçılar müəssisənin istifadəsində olan dəmir filizi mədənlərinin bazasında xammaldan son məhsula qədər istehsal zəncirini ölkə daxilində təmin edən klasterin yaradılması ilə bağlı ümumi dəyəri azı 600 mln. manat olan, 5 il ərzində icra olunacaq investisiya proqramı təqdim etməli, dövlət büdcəsinə azı 100 mln. manat ödəməlidir. Qalib investor isə azı 1 000 yeni iş yeri yaratmalı, layihənin icrası ilə əlaqədar cəlb olunmuş məsləhətçi şirkətə 160 min manat pul ödəməli olacaq.

    Səhmdar cəmiyyətinin özəlləşdirmə planı (emissiya prospekti) ilə tanış olmaq, investisiya müsabiqəsi haqqında əlavə məlumat əldə etmək, ərizə və təklifləri təqdim etmək üçün dekabrın 28-nə qədər, hər gün saat 10:00-dan 17:30-a qədər ƏMDK-ya müraciət etmək olar. Təkliflərə 9 yanvar 2019-cu ildə, saat 15:00-dan başlayaraq baxılacaq.

    Xatırladaq ki, dəmir filizlərinin hasilatı və emalı müəssisəsi olan “Daşkəsən Filizsaflaşdırma” ASC-nin nizamnamə kapitalı 1 063 140 manatdır. Bu məbləğ hər birinin nominal dəyəri 2 mant olan 531 570 ədəd sənədsiz, adlı səhm əsasında formalaşıb. Bunun isə 527 447 ədəd investorlara təklif olunur.

    Hazırda sənaye müəssisənin 315 işçisi, 19 560 946 manat öhdəliyi, o cümlədən 652 159 manat əmək haqqı və ona bərabər tutulan borcu, 5 199 562 manat dövlət büdcəsinə olan borcu, 2 017 020 manat Dövlət Sosial Müdafiə Fonduna olan borcu, 1 807 021 manat dövlət xidmətlərinə görə dövlət müəssisələrinə (elektrik enerjisi, qaz, su, kanalizasiya, dəmir yolu daşımaları) olan borcu, 3 585 176 manat mal, iş və xidmətlərə görə qeyri-dövlət müəssisələrinə olan borcu, 3 684 073 manat alınmış kreditlərə və onlara hesablanmış faizlərə görə borcu, 2 615 935 manat sair borcu, eləcə də 321 145 manat isə debitor borcu var. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi