Bakı. 18 yanvar. REPORT.AZ/ Bu il aprelin 28-də Bişkəkdə (Qırğızıstan) Türkdilli Dövlətlərin Əməkdaşlıq Şurasının (TDƏŞ) IV Biznes Forumu keçiriləcək.
“Report” Azpromo-ya istinadən xəbər verir ki, forumda Azərbaycan, Türkiyə, Qazaxıstan, Türkmənistan və Qırğızıstan sahibkarları iştirak edəcəklər və işgüzar əlaqələr quracaqlar. Azərbaycanda fəaliyyət göstərən sahibkarlar tədbirdə iştiraka dəvət olunurlar.
Biznes forumda iştirak etməkdə maraqlı olanlar yanvarın 22-dək Azpromo-ya müraciət edə bilərlər.