Biləsuvar, Culfa və Astara gömrük sərhəd buraxılış məntəqələri fasiləsiz iş rejiminə keçib

Biləsuvar. 10 may. REPORT.AZ/ Bu gündən etibarən Biləsuvar, Culfa və Astara gömrük sərhəd buraxılış məntəqələri 24 saatlıq iş rejiminə keçib.

“Report”un Aran bürosu xəbər verir ki, bu barədə Azərbaycan və İran hökumətlərinin nümayəndələri arasında keçirilən görüşdə razılıq əldə olunaraq müvafiq protokol imzalanıb.

Məqsəd hər iki dövlət sərhədindən gediş-gəlişi, əmtəə dövriyyəsini, qarşılıqlı yük dövriyyəsində ləngiməni asanlaşdırmaq və vətəndaşların dövlət sərhədlərindən keçidini asanlaşdırmaqdır.