Bakı. 19 fevral. REPORT.AZ/ Martın 6-da Batumi şəhərində (Gürcüstan) Azərbaycanda İxracın və İnvestisiyaların Təşviqi Fondunun (Azpromo) təşkilatçılığı və İqtisadiyyat və Sənaye Nazirliyinin dəstəyi ilə Azərbaycan-Gürcüstan-Türkiyə biznes forumu keçiriləcək.
“Report”un məlumatına görə, forumda Azərbaycanın iqtisadiyyat və sənaye naziri Şahin Mustafayev, Türkiyənin iqtisadiyyat naziri Nihad Zeybekçi, Gürcüstanın iqtisadiyyat və davamlı inkişaf naziri Georgi Kvirikaşvili, digər rəsmilərin və iş adamlarının iştirakı gözlənilir.