Yuxarı
    Bağlamaq

    “Baku Electronics” “Whirlpool”un eksklüziv distribyutoru olub

    Bakı. 7 dekabr. REPORT.AZ/ "Baku Electronics" şirkəti ABŞ-ın məşhur “Whirlpool” şirkətinin rəsmi eksklüziv distribyutoru olub.

    Bununla əlaqədar “Baku Electronics” və “Whirlpool” şirkətlərinin rəsmi nümayəndələrinin iştirakı ilə “Abşeron Marriot” otelində konfrans keçirilib. Konfransda məişət avadanlıqlarının qlobal lideri olan “Whirlpool”un məhsul çeşidi də təqdim edilib.

    Təqdimatla paralel olaraq, Cənubi Qafqazın ən böyük elektronika mağazası olan “Baku Electronics”in Nərimanov filialında aksiya keçirilib və “Whirlpool” soyuducularının ilk 10 müştərisinin alıcıları üçün hədiyyə olaraq paltaryuyan maşınlar təqdim edilib.

    Konfransda “Whirlpool Group”un Qafqaz və Moldova ölkələri üzrə satış meneceri David Gelaşvili deyib ki, “Whirlpool” brendinin yeni məhsullarını Azərbaycanda təqdim etməkdən çox məmnundurlar: “Əminik ki, Azərbaycanlı istehlakçılar məhsullarımızdan razı qalacaqlar. Onları yeni aksiyalar və surprizlərlə sevindirməyi düşünürük”.

    “Whirlpool Group”un təlim meneceri Yuri Dolnik isə qeyd edib ki, “Whirlpool” şirkəti müxtəlif ölkələrdə 70-ə yaxın istehsal müəssisəsi və tədqiqat mərkəzi olan, illik dövriyyəsi 21 mld. dollara yaxın, işçi sayı 92 min nəfər olan dünyanın ən böyük məişət avadanlıqları istehsalçısıdır.

    Qeyd edək ki, “Whirlpool” Amerika brendi dünyada məşhur markadır. Bu marka gündəlik həyatımızda istifadə olunan yüksək keyfiyyətli elektrik avadanlıqlarının istehsalı sahəsində liderdir. Hazırda ABŞ-da bu sahə üzrə dörd iri istehsalçı şirkət var ki, “Whirlpool” onların arasında birinci yerdədir.

    “Whirlpool Group” hazırda dünyada məşhur olan Whirlpool, İndesit və başqa məşhur markaların sahibidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi