Bakıda Omsk vilayətinin şirkətləri ilə görüş keçiriləcək

Bakı. 14 mart. REPORT.AZ/ Aprelin 3-də Bakıda Rusiyanın Omsk vilayətini təmsil edən şirkətlərin nümayəndələri ilə işgüzar görüş keçiriləcək.

Azərbaycanda İxracın və İnvestisiyaların Təşviqi Fondundan (“Azpromo”) “Report”a verilən məlumata görə, Omsk şirkətləri ilə işgüzar əlaqələr qurmaq istəyən Azərbaycan sahibkarları tədbirdə iştiraka dəvətlidirlər.

Görüşdə iştirak etmək istəyən işgüzar dairələrin təmsilçiləri martın 27-dək qeydiyyatdan keçməlidirlər.

Maraqlananlar "Azpromo"ya (Kənan Kərimov ("Biznes Geometriya Qrup" şirkəti), tel.: +994 70 250 92 73, e-mail: [email protected], Anar Nuriyev ("Azpromo"), tel.: +994 12 598 01 47 (daxili:123), e-mail: [email protected]) müraciət edə bilərlər.