“Bakı Beynəlxalq Dəniz Ticarət Limanı” QSC kotirovka elan edib

Bakı. 28 yanvar. REPORT.AZ/ “Bakı Beynəlxalq Dəniz Ticarət Limanı” Qapalı Səhmdar Cəmiyyəti (QSC) kotirovka elan edib.

“Report”un xəbərinə görə, bu, Ələt qəsəbəsindəki bərə terminalının ərazisinə qoyulacaq konteynerlərin, donanma xidməti üçün məhsulların, əsas yük terminalı ərazisində sərhəd və gömrük-keçid yoxlama məntəqəsi üçün yığılıb-sökülən otaqların satınalınması ilə bağlıdır.

Kotirovkada iştirak etmək istəyənlər təkliflərini möhürlənmiş zərflərdə fevralın 5-dək təqdim etməlidirlər.