Yuxarı

"Azərsun": Hələ heç bir məhsulun qiyməti artırılmayıb

Departament müdiri Afiq Səfərov: Hələ ki, ehtiyat hissəni satırıq və bunun üçün artıma ehtiyac yoxdur

Bakı. 16 mart. REPORT.AZ/ Bir neçə gün əvvəl Azərbaycanda qida məhsullarının istehsalı ilə məşğul olan “Azərsun Holdinq” Şirkətlər Qrupu Müşahidə Şurasının sədri Abdulbari Goozal şirkətin məhsullarında qiymət artımının olacağını deyib.

Holdinqin İctimaiyyətlə əlaqələr və biznesin inkişafına dəstək Departamentinin müdiri Afiq Səfərov bu gündən etibarən “Azərsun” istehsalı olan çayların qiymət artımı ilə bağlı yayılan məlumatlar haqqında “Report”a məlumat verib.

Onun sözlərinə görə, A.Goozal qiymət artımının mərhələli şəkildə gedəcəyini vurğulayb və dəqiq vaxt və məbləğ bildirməyib. A.Səfərov deyib ki, “Azersun”un istehsal etdiyi heç bir məhsulun qiymətində hələ ki, dəyişiklik olunmayıb. “Bu gündən etibarən bizim istehsalımız olan çayların qiymətlərinin artımı ilə bağlı söz-söhbətlər həqiqəti əks etdirmir, biz hələ ki, ehtiyat hissəni satırıq və bunun üçün artıma ehtiyac yoxdur, artımla bağlı konkret qiymət və vaxt müəyyənləşdirilməyib”, - deyə Departament müdiri bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi