Yuxarı

Azercell “Hədsiz” tarif paketində yenilik edib

Paket çərçivəsində 1MB İnternetin həcminə 0.07 manat tarifikasiya tətbiq ediləcək

Bakı. 9 dekabr. REPORT.AZ/ Ölkənin lider mobil operatoru - "Azercell" Yeni il ərəfəsində “Hədsiz” tarifinin istifadəçiləri üçün internet paketlərində yenilik təqdim edir. Şirkətdən "Report"a bildirilib ki, yeniliyə əsasən, “Hədsiz” paketindən istifadə edən abunəçilər bundan sonra xüsusi təkrarlanmayan İnternet paketləri sifariş edə biləcəklər. Yenilikdən yararlanmaq üçün abunəçinin 2525-ə müvafiq açar sözünü göndərməsi kifayətdir.

İnternetin həcmi Açar sözü Qiymət (ƏDV daxil)
50 MB 50x 0.80 AZN
500 MB 500x 2.40 AZN
1 GB 1000x 4 AZN
5 GB 5000x 8 AZN
10 GB 10000x 12 AZN
50 GB 50000x 24 AZN

Bununla yanaşı, “Hədsiz” tarif paketi istifadəçiləri təkrarlanan “Limitsiz” paketini mövcud olan qaydalara uyğun olaraq ala bilərlər. Tarif paketi çərçivəsində verilən internet balansı bitdikdə hər əlavə 1MB İnternetin həcminə 0.07 manat (ƏDV daxil) tarifikasiya tədbiq ediləcək. Əlavə paketlərin istifadə müddəti 30 gündür və onlar yenilənmir. Bu müddət bitdikdə istifadə edilməmiş balans sıfırlanır. Təkrarlanmayan Aylıq İnternet paketlərindən imtina etmək üçün abunə 2525-ə “STOPX” göndərməlidir. Abunəçilər hər faktura dövrü ərzində müəyyən edilmiş tarixlərdə tarif çərçivəsində verilən internet balansın cari balansını əks etdirən məlumat xarakterli SMS də alacaqlar.

Məlumat üçün bildirək ki, abunəçilər "Hədsiz" tarif paketinə qoşulmaq üçün "Azercell" Müştəri xidmətlərinə müraciət edə və ya diler dükanlarından yeni fakturalı xətt nömrəsi ala bilərlər. Şirkət şəbəkəsində fiziki şəxs statusuna malik olan Fakturalı xətt abunəçilər bu tarifə qoşulduqda abunə haqqı müqabilində verilən xidmətlərdən qoşulma günündən sonra növbəti gündən etibarən faydalana bilərlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi