Azərbaycanın ÜTT-yə üzv olması ilə bağlı gələn həftə növbəti danışıqlar aparılacaq

Bakı. 12 dekabr. REPORT.AZ/ Azərbaycanın Ümümdünya Ticarət Təşkilatına (ÜTT) üzv olması ilə bağlı gələn həftə Cenevrədə (İsveçrə) növbəti danışıqlar aparılacaq.

Bu barədə “Report”a açıqlamasında xarici işlər nazirinin müavini Mahmud Məmmədquliyev məlumat verib.

“Danışıqlar həm əmtəə, həm də xidmətlərlə bağlı olacaq. Hazırda Azərbaycanın ÜTT-yə üzv olması istiqamətində proses yavaş da olsa gedir. Qanunvericilikdə, əmtəə və xidmətlər sahəsində görüləsi işlər hələ ki, çoxdur. Bir sıra qanunlar qəbul edilməlidir”, - deyə o, qeyd edib.