Yuxarı
    Bağlamaq

    Azərbaycanda vergi yoxlamaları elektronlaşdırılır

    Səyyar vergi yoxlaması və elektron auditin keçirilməsi qaydaları hazırlanaraq təsdiq edilib

    Bakı. 19 oktyabr. REPORT.AZ/ Prezident İlham Əliyevin sərəncamı ilə müəyyən edilmiş 2016-cı ildə vergi sahəsində aparılacaq islahatların istiqamətlərinə dair görülən işlər yekunlaşmaqdadır. 

    "Report" xəbər verir ki, bu barədə Vergilər Nazirliyinin Vergi auditi və operativ vergi nəzarəti İdarəsinin rəisi Toğrul Quliyev məlumat verib.

    Onun sözlərinə görə, səyyar vergi yoxlamasının və elektron auditin keçirilməsi qaydaları hazırlanıb və Vergilər Nazirliyi Kollegiyasının qərarı ilə təsdiq edilib: "Yeni qaydalar vergi yoxlamalarının təyin edilməsi, yoxlamaların aparılması və nəticələri üzrə qərarların qəbul edilməsində vergi ödəyicilərinin qanuni maraqlarının qorunmasına, vergi ödəyiciləri ilə birbaşa təmasın azaldılmasına, yoxlamaya sərf ediləcək günlərin sayının azaldılmasına xidmət edəcək". 

    "Bununla yanaşı, elektron auditin aparılması üçün mütəxəssislərin hazırlanmasına başlanılıb və qanunvericilik üzrə bilik səviyyələrinin artırılması ilə yanaşı, onlara kompüter proqramlarından istifadə vərdişlərinin yüksəldilməsi üçün də təlimlər keçiləcək" - İdarə rəisi qeyd edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi