Yuxarı
    Bağlamaq

    Azərbaycanda Sahibkar Qadınlar Assosiasiyası təsis olunub

    Bakı Tekstil Fabriki MMC-nin sədri Səkinə Babayeva İdarə Heyətinin sədri seçilib
    "Bakı Tekstil Fabriki" MMC-nin sədri Səkinə Babayeva

    Bakı. 26 oktyabr. REPORT.AZ/ Azərbaycanda Sahibkar Qadınlar Assosiasiyası təsis edilib. 

    "Report" xəbər verir ki, assosiasiya Azərbaycan Ailə, Qadın və Uşaq Problemləri üzrə Dövlət Komitəsinin dəstəyi ilə yaradılıb.

    Bu məqsədlə Bakıda keçirilən tədbiri giriş sözü ilə iqtisadiyyat nazirinin müavini Sahib Məmmədov açıb. S.Məmmədov Azərbaycanda həyata keçirilən islahatlar və iqtisadi siyasət barədə danışıb.

    Daha sonra Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) prezidenti Məmməd Musayev və Azərbaycan Mikromaliyyə Assosiasiyasının icraçı direktoru Jalə Hacıyeva çıxış ediblər.

    Sonda isə Sahibkar Qadınlar Assosiasiyasının təsis edilməsi məsələsinə baxılıb. Assosiasiyanın yaradılması çərçivəsində yeni qurumun nizamnaməsi haqqında məlumat verilib, İdarə Heyətinin sayı və üzvləri formalaşdırılıb. "Bakı Tekstil Fabriki" MMC-nin sədri Səkinə Babayeva Assosiasiyanın İdarə Heyətinin sədri seçilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi