Bakı. 11 yanvar. REPORT.AZ/ Ötən il İqtisadiyyat və Sənaye Nazirliyinin Sahibkarlığa Kömək Milli Fondu (SKMF) 5 243 sahibkara 248,5 mln. manat güzəştli kredit verib. “Report” İqtisadiyyat və Sənaye Nazirliyinin mətbuat xidmətinə istinadən xəbər verir ki, bu kreditlərdən istifadə etməklə investisiya layihələrinin reallaşdırılması 12 600-ə yaxın yeni iş yerinin açılmasına imkan yaradıb.
Sahibkarların maarifləndirilməsi və onlara dövlət maliyyə dəstəyinin göstərilməsi məqsədilə ötən il Fond 39-u regionlarda, 7-si isə Bakı şəhərinin qəsəbələrində olmaqla 46 işgüzar forum keçirib.
Eyni zamanda, 4 000-dən çox sahibkarın iştirak etdiyi tədbirlər çərçivəsində sahibkarlara güzəştli kreditlər verilib. Kreditlərin verilməsi mexanizminə dair maarifləndirici treninqlər aparılıb, sahibkarlara nümunəvi investisiya layihələri təqdim olunub.