Yuxarı

Azərbaycanda I rübdə 2 mindən çox müəssisə qeydiyyatdan keçib

Son bir ildə bu göstərici 19% artıb

Bakı. 20 aprel. REPORT.AZ/ Bu ilin yanvar-mart aylarında Azərbaycanda 2 045 müəssisə və təşkilat, həmçinin onların nümayəndəlik və filialları yaradılıb və onların sayı keçən ilin müvafiq dövrünə nisbətən 19,3% artıb. Bu barədə “Report”a Dövlət Statistika Komitəsindən məlumat verilib.

Yeni müəssisə və təşkilatların 61,3%-i Bakıda, 11,8%-i Aran, 7,7%-i Abşeron, 5,3%-i Quba-Xaçmaz, 5,0%-i Lənkəran, 4,5%-i Gəncə-Qazax iqtisadi rayonlarında, qalanları isə digər bölgələrdə qeydiyyatdan keçib.

Bundan əlavə, 2016-cı ilin birinci rübündə fərdi sahibkarlıqla məşğul olmaq üçün ölkənin vergi orqanlarında 26 437 fiziki şəxs qeydiyyatdan keçib və onların sayı keçən ilin müvafiq dövrünə nisbətən 44,6% artıb.

Fərdi sahibkarlar daha çox Bakıda, Aran, Gəncə-Qazax, Lənkəran, Abşeron, Şəki-Zaqatala və Quba-Xaçmaz iqtisadi rayonlarında qeydiyyata alınıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi