Azərbaycanda daha bir neçə avtomobil brendi endirim aksiyasına başlayıb

Bakı. 2 iyun. REPORT.AZ/ “Mitsubishi Azerbaijan”, “Subaru Azerbaijan” və “Honda Azerbaijan” şirkətləri adı çəkilən avtomobil brendlərinin bütün modellərinə aid ehtiyat hissələri, aksesuarlar və usta işinə görə 15%-lik endirim elan edib.

Şirkətlərdən "Report"a verilən məlumata görə, kampaniyaya təkərlərin təmiri, satışı və ayaqaltıların satışı aid edilmir. Avtomobil sahibləri digər bütün təmir işlərində endirimdən yararlana bilərlər.

Qeyd edək ki, aksiya iyunun 15-dək davam edəcək.