Yuxarı

​ Azərbaycan nümayəndə heyəti İrana səfər edəcək

Tehranda İran-Azərbaycan  iqtisadi, ticarət və humanitar sahələr üzrə Dövlət Komissiyasının iclası keçiriləcək

Bakı. 18 dekabr. REPORT.AZ/ Dekabrın 21-də Tehranda (İran) Azərbaycan və İran arasında iqtisadi, ticarət və humanitar sahələr üzrə Dövlət Komissiyasının 10-cu iclası keçiriləcək.

“Report” İqtisadiyyat və Sənaye Nazirliyinə istinadən xəbər verir ki, iclasda Azərbaycan-İran iqtisadi, ticarət və humanitar sahələr üzrə Dövlət Komissiyasının həmsədrləri – iqtisadiyyat və sənaye naziri Şahin Mustafayevin və İranın rabitə və informasiya texnologiyaları naziri Mahmud Vaezinin rəhbərlik etdiyi nümayəndə heyətləri iştirak edəcək.

İqtisadiyyat və sənaye naziri, Dövlət Komissiyasının həmsədri Ş.Mustafayevin rəhbərliyi ilə rəsmi şəxslər və iş adamlarından ibarət nümayəndə heyətinin dekabrın 21-22-də İrana səfəri çərçivəsində bir sıra görüşlər, Təbriz və Tehran şəhərlərində İran-Azərbaycan biznes forumları keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi