İlk xəbər saat 14:03-də verilib
Bakı. 14 dekabr. REPORT.AZ/ Azərbaycanda lüks avtonəqliyyat vasitələrinə idxal aksizinin artırılması təklif olunur.
"Report" xəbər verir ki, bunu Dövlət Gömrük Komitəsi Maliyyə, tarif və valyuta nəzarəti Baş İdarəsinin rəisi Mirqasım Vahabov Milli Məclisin bugünkü komitə iclasında bildirib: "Baxmayaraq ki, ümumi fonda avtonəqliyyat vasitələrinin ölkəyə idxalı 82% azalıb".
"Avtonəqliyyat vasitələrinə aksiz vergisinin tətbiqi önəmli hallardan biriidir. Ötən ilin 11 ayı ilə müqayisədə ümumiliilkdə ölkə ərazisinə idxal olunan avtonəqliyyat vasitələrinin sayı 82% azalıb. Belə ki, keçən ilin 11 ayında 25 min ədəd avtonəqliyyat vasitəsi idxal olunmuşdursa, bu il idxal 4 800-dən bir qədər çox olub. O cümlədən, vergi 94,5 mln. manat az toplanıb", - deyə İdarə rəisi qeyd edib.
Hazırda Azərbaycan ərazisində 2 mln.-a yaxın avtonəqliyyat vasitəsinin olduğunu deyən M.Vahabov mühərrikinin həcmi daha yüksək olan lüks avtomobillər üçün aksizlərin artırılmasını vacib sayır: "Ötən ilin 11 ayında 5 000-dən yuxarı mühərrikinin həcmi yüksək olan avtonəqliyyat vasitəsinin idxalı 160 ədəd idisə, onun da 10 ədədi güzəştli qaydada, yəni diplomatik xidmətlərə gətirilib, 2016-cı ilin 11 ayında 198 ədəd lüks avtomobil idxal olunub (1 ədədi - güzəştli qaydada). Deməli, imkan var. Həmçinin, xəz-dəri məmulatlarının aksiz vergisinə cəlb olunması zəruridir. Ölkələr var ki, xalça məmulatlarını aksiz vergisinə cəlb edir. Bu gün istehlak bazarında kifayət qədər xəz-dəri məmulatları var. Ona görə də aksiz vergisinə cəlb edilməsi vacibdir".
Vergitutma obyektinin adı |
Aksiz dərəcəsi (qüvvədə olan) |
Aksiz dərəcəsi (təklif edilən) |
Minik avtomobilləri: | ||
mühərrikin həcmi 2000 kubsantimetrədək olduqda | Mühərrikin həcminin hər kubsantimetrinə görə - 0,20 manat | Mühərrikin həcminin hər kubsantimetrinə görə - 0,20 manat |
mühərrikin həcmi 3000 kubsantimetrədək olduqda | 400 manat + mühərrikin həcminin 2001-3000 kubsantimetr hissəsi üçün hər kubsantimetrə görə - 1,5 manat | 400 manat + mühərrikin həcminin 2001-3000 kubsantimetr hissəsi üçün hər kubsantimetrə görə - 3 manat |
mühərrikin həcmi 4000 kubsantimetrədək olduqda | 1900 manat + mühərrikin həcminin 3001-4000 kubsantimetr hissəsi üçün hər kubsantimetrə görə - 4 manat | 3400 manat + mühərrikin həcminin 3001-4000 kubsantimetr hissəsi üçün hər kubsantimetrə görə - 8 manat |
mühərrikin həcmi 5000 kubsantimetrədək olduqda | 5900 manat + mühərrikin həcminin 4001-5000 kubsantimetr hissəsi üçün hər kubsantimetrə görə - 8 manat | 11 400 manat + mühərrikin həcminin 4001-5000 kubsantimetr hissəsi üçün hər kubsantimetrə görə - 20 manat |
mühərrikin həcmi 5000 kubsantimetrdən çox olduqda | 13900 manat + mühərrikin həcminin 5000 kubsantimetrdən çox olan hissəsi üçün hər kubsantimetrə görə - 10 manat | 31 400 manat + mühərrikin həcminin 5000 kubsantimetrdən çox olan hissəsi üçün hər kubsantimetrə görə - 40 manat |
İstirahət və ya idman üçün yaxtalar və bu məqsədlər üçün nəzərdə tutulan digər üzən vasitələr | Mühərrikin həcminin hər kubsantimetrinə görə - 3 manat | Mühərrikin həcminin hər kubsantimetrinə görə - 6 manat |