Yuxarı
    Bağlamaq

    Azərbaycan İranda keçiriləcək beynəlxalq ət məhsulları sərgisində iştirak edəcək

    Sərgi üç gün davam edəcək

    Bakı. 2 noyabr. REPORT.AZ/ Azərbaycan Tehranda (İran) keçiriləcək beynəlxalq halal ət məhsulları sərgisində ("Meatex 2016") iştirak edəcək. "Report"un "Tehrantimes" saytına istinadən verdiyi xəbərə görə, tədbir noyabrın 5-8-də keçiriləcək.

    Qeyd edək ki, Tehran halal  ət məhsulları və bu sənayenin məhsullarına dair beynəlxalq sərgiyə ilk dəfədir ev sahibliyi edir.

    Tədbirin məqsədi xarici investisiya cəlb etmək, ölkəyə müasir texnologiya və texnoloji biliklər gətirmək, habelə mövcud müəssisələri yeniləmək və İran məhsullarının ixracının genişləndirilməsinə kömək etməkdir.

    Sərgidə 53 İran şirkəti və Azərbaycan, Çin, Türkiyə, İspaniya, Yunanıstan, Finlandiya, Almaniya, Livan, Avstraliya da daxil olmaqla 9 ölkədən 14 şirkət öz məhsullarını təqdim edəcəklər.

    Dünyada sürətlə böyüyən qlobal halal sənaye məhsulları seqmenti 2,3 trln. dollar həcmində dəyərləndirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi