Azərbaycan-İran Hökumətlərarası Komissiyasının növbəti iclasının tarixi açıqlanıb

Bakı. 12 fevral. REPORT.AZ/ Martın 12-13-da Bakıda Azərbaycan-İran Hökumətlərarası Komissiyasının növbəti iclası keçiriləcək. 

Bu barədə “Report”a İranın Azərbaycandakı səfiri Cavad Cahangirzadə məlumat verib. 

Onun sözlərinə görə, iclasda iki ölkə arasında bütün sahələrdə əməkdaşlıq məsələləri, o cümlədən sənaye və ticarət sektorlarında əməkdaşlığın genişləndirilməsi müzakirə ediləcək. Tərəflər Şimal-Cənub nəqliyyat dəhlizi çərçivəsində dəmir yolu nəqliyyatı ilə daşımaların həcminin artırılması imkanlarını da nəzərdən keçirəcəklər.