Azərbaycan-İndoneziya biznes forumu Qubada keçiriləcək

Bakı. 1 may. REPORT.AZ/ Qubada Azərbaycan-İndoneziya biznes forumu keçiriləcək.

İndoneziyanın Azərbaycandakı səfirliyindən "Report"a verilən məlumata görə, biznes forum mayın 3-də baş tutacaq.

Tədbirdə iştirak etmək üçün Azərbaycana İndoneziyadan iqtisadiyyatın müxtəlif sahələrini təmsil edən onlarla sahibkar gələcək.

Biznes forum zamanı iki ölkə arasında işgüzar əlaqələrin artırılmasının mümkünlüyü barədə fikir mübadiləsi aparılacaq.