Azərbaycan I Beynəlxalq Qafqaz İqtisadi Forumunda iştirak edəcək

Bakı. 25 dekabr. REPORT.AZ/ Azərbaycan I Beynəlxalq Qafqaz İqtisadi Forumunda iştirak edəcək.

"Report" xəbər verir ki, bu barədə jurnalistlərə Rusiyanın Şimali Qafqaz işləri üzrə naziri Sergey Çebotaryov məlumat verib.

Forum 2019-cu ilin payızında Stavropol diyarında keçiriləcək.

"Foruma Qafqaz adını qoymaq qərarına gəldik, çünki hesab edirəm ki, Qafqaz sərhədlərlə ayırlsa da, mental olaraq birdir, bu, vahid orqanizmdir", - deyə S.Çebataryov qeyd edib. O əlavə edib ki, Cənubi Qafqaz ölkələri - Azərbaycan, Gürcüstan və Ermənistan artıq Forumda iştirakla bağlı ilkin razılıqlarını veriblər.