Yuxarı
    Bağlamaq

    Azərbaycan hökuməti daşınma xərclərinin azaldılması ilə bağlı təkliflər toplayır

    Nazir müavini Sahil Babayev: Azərbaycan məhsullarının bazara çıxarılması üçün birgə səy göstərməliyik

    Bakı. 10 dekabr. REPORT.AZ/ "Azərbaycanda daşınma xərclərinin aşağı salınması ilə bağlı şirkətlərdən təkliflər gözləyirik". "Report" xəbər verir ki, bunu Bakı Biznes Mərkəzində İxracatçılar Klubunun bu gün keçirilən II iclasında iqtisadiyyat və sənaye nazirinin müavini Sahil Babayev deyib. 

    S.Babayev qeyd edib ki, daşınma xərclərinin azaldılması üçün Xəzər Dəniz Gəmiçiliyi ilə birgə fəaliyyət göstərmək vacibdir.

    "İxracatçıların əsas qarşılaşdıqları problemlər sırasında sertifikatlaşdırma ilə bağlı məsələlər də var. Biz ixracatçıları ona görə dəvət etmişik ki, mənşə və keyfiyyət sertifikatları haqqında tam məlumat verək. Düşünürəm ki, bu sertifikatlarla bağlı bəzi dəyişikliklər edə bilərik. Hazırda bazarda çox böyük çətinliklər var. Azərbaycan məhsullarının bazara çıxarılması üçün birgə səy göstərməliyik", - nazir müavini əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi