Yuxarı

​Azərbaycan 2015-ci ildə Rusiyadan 2 milyon litr spirtli içki idxal edib

Bu, qonşu ölkənin ümumi ixracının 4,5 faizini təşkil edir

Bakı. 25 dekabr. REPORT.AZ/ Rusiya 2015-ci ilin yanvar-noyabr aylarında Azərbaycana 1,86 milyon litr spirtli içki ixrac edib ki, bu da ümumi ixracın 4,5 %-ni təşkil edir.

"Report" xəbər verir ki, bu barədə Rusiyanın Milli Spirtli İçki Siyasətinin Hazırlanması Mərkəzinin məlumatında bildirilir.

Məlumata görə, Rusiya göstərilən dövr ərzində ümumi dəyəri 97 mln. dollar olan 41,4 mln. litr araq və likyor məmulatları ixrac edib.

Bu həcm ötən ilin müvafiq göstəricisi ilə müqayisədə 29,7 % azdır. Ümumi ixracın 27%-i Almaniya, 22%-i Böyük Britaniya, 8%-i ABŞ, təqribən 6%-i Latviya, 4,7%-i Ukrayna, 3,3%-i Vyetnam, 3,1%-i Litva, 2,5% -i İsrail və s. ölkələrin payına düşüb. Bu dövr ərzində Ermənistana spirtli içki ixracı demək olar ki, sıfıra bərabər olub. Halbuki ötən il bu göstərici 6% təşkil edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi