Avtomobil bazarında qiymətlər sabitləşib

Bakı. 18 aprel. REPORT.AZ/ 2018-ci ilin mart ayında Azərbaycanda minik avtomobillərinin qiymətləri əvvəlki illə müqayisədə ardıcıl ikinci aydır ki, sabit qalıb. İllik müqayisədə isə 0,6% ucuzlaşma qeydə alınıb.

“Report”un rəsmi statistikaya əsasən, verdiyi xəbərə görə, martda bir minik avtomobili üzrə orta qiymət 34 268,7 manat təşkil edib. 

Rəsmi statistikaya əsasən, minik avtomobillərinin ehtiyat hissələri mart ayı ərzində 0,2%, velosiped isə 0,3% bahalaşıb. İllik müqayisədə isə qiymətlərdə, müvafiq olaraq, 3,4% və 6,5% artım müşahidə olunub.