“Aqrar İnkişaf Könüllüləri” və “ASAN Könüllüləri” memorandum imzalayıb

Bakı. 5 mart. REPORT.AZ/ Azərbaycanda “Aqrar İnkişaf Könüllüləri” və “ASAN Könüllüləri” təşkilatları arasında birgə əməkdaşlığa dair anlaşma memorandumu imzalanıb. 

Bu barədə “Report”a Azərbaycan Kənd Təsərrüfatı Nazirliyindən bildirilib. 

Məlumata görə, sənədi “Aqrar İnkişaf Könüllüləri”nin sədri Sarvan Cəbrayılzadə və “ASAN Könüllüləri”nin sədri Səbinə Cabarova imzalayıblar. 

Daha sonra onlar təşkilatların fəaliyyəti və gələcək planları, həmçinin, memorandumun yaradacağı imkanlar barədə danışıblar.