Yuxarı
    Bağlamaq

    ​ABŞ şirkəti Azərbaycanda filial açır

    Şirkət bundan öncə Azərbaycanda Dünya Bankı ilə birlikdə informasiya və kommunikasiya texnologiyalarının qiymətləndirilməsini aparıb

    Bakı. 14 oktyabr. REPORT.AZ/ Amerikanın menecment və konsaltinq xidmətləri göstərən "McKinsey & Company" şirkəti Azərbaycanda filial açıb. "Report" xəbər verir ki, "McKinsey & Company" (Azerbaijan) INC adı ilə Vergilər Nazirliyində Səbail rayonu Nizami küçəsi ev 90A ünvanında qeydiyyata alınıb.

    Qanuni təmsilçisi Köksoy Kadir Sinan adlı Türkiyə vətəndaşı olan şirkət bundan öncə Azərbaycanda Dünya Bankı ilə birlikdə informasiya və kommunikasiya texnologiyalarının qiymətləndirilməsini aparıb.

    Qeyd edək ki, 2013-cü ilin yanvarında şirkətin icraçı direktoru Dominik Barton (Dominic Barton) Prezident İlham Əliyevin qəbulunda olub və Azərbaycanda irimiqyaslı IKT layihələrinin reallaşdırılmasında maraqlı olduqlarını açıqlayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi