Bakı. 24 dekabr. REPORT.AZ/ 2018-ci ildə beynəlxalq investorlar Rusiya fondlarından son beş ildə ən yüksək məbləğdə vəsaiti çıxarıb.
"Report" xəbər verir ki, bu barədə "Kommersant" qəzeti "Bank of America Merrill Lynch"in məlumatlarına istinadən yazıb.
Qeyd olunur ki, fondlar son dəfə 2013-cü ildə bundan çox vəsait itirib. O vaxt geri çəkilən investisiyanın həcmi 3,1 milyard dollar olmuşdu.
Qəzetdə vurğulanıb ki, ötən ildə Rusiya fondlarından pul axını inkişaf etməkdə olan ölkələrin göstəriciləri arasında ən pislərdən biri olub.