Yuxarı
    Bağlamaq

    ​200-dən çox azərbaycanlı iş adamı Latviya vətəndaşlığı almaq üçün müraciət edib

    Onlar vətəndaşlıq müqabilində bu ölkəyə sərmayə yatırıblar

    Bakı. 19 sentyabr. REPORT.AZ/ Latviyada əcnəbi investorların sərmayə yatırımı müqabilində vətəndaşlıq almasına imkan verən "İmmiqrasiya haqqında" Qanuna düzəlişlərdən sonra ilk 5 il ərzində ölkəyə 1,312 milyard avro həcmində vəsait daxil olub.

    "Report" xəbər verir ki, bu rəqəmi "bn.ru" portalına müsahibəsində Latviyanın Vətəndaşlıq və Miqrasiya İşləri üzrə İdarəsinin müdir müavini Mayra Roze səsləndirib.

    Onun sözlərinə görə, bu həcmin 1,093 milyard avrosu vətəndaşlıq almaq üçün müraciət edən əcnəbilər tərəfindən Latviyada daşınmaz əmlak alınmasına xərclənib. Bundan əlavə, 148 mln. avro "Latviya banklarının subordinasiyalı kapitalına əmanət" maddəsi üzrə sərf olunub, təqribən 71 mln. avro isə Latviya şirkətlərinin kapitalına yatırım üçün xərclənib.

    Proqramın ilk 5 illik icra müddəti ərzində 16 min 295 nəfər pasport almaq üçün ərizə verib. Müraciət edənlərin 255 nəfəri Azərbaycan vətəndaşıdır. Siyahıda birinci yerdə 11 min 194 nəfərlə Rusiya qərarlaşıb. İlk onluqda Çin (1315 nəfər), Ukrayna (1248), Özbəkistan (671), Qazaxıstan (596), Belarus (328), İsrail (73), ABŞ (52) və Gürcüstanın (48) adı var. Ümumilikdə 53 ölkənin nümayəndəsi Latviya vətəndaşlığı almaq üçün müraciət edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi